About me

Sara logo6

بنت كويتيه أشارك الناس بكل شيء احبه وأحاول أفيدهم وأسهل عليهم، أشارك الناس سفراتي جولاتي بالسوق وحتى المطاعم وأحيانا طبخاتي. اعلق بعفويه على الاكل وعلى الأمور اللي احس لازم ما احتفظ برأيي لنفسي وبس. امممم! شلون قررت افتح البلوق؟ قبل لا افتح أكاونت الانستقرام كنت اصور وانا مسافره لصديقه لي وتالي صورت افتتاح محل كنت معزومه عليه بلحظتها قررت افتح حساب خاص فيني وأسمح للناس تشاركني باغلب التفاصيل اللي اعيشها وأحبها وتمر علي. أما فكره البلوق، خطرت على بالي من بعد سؤال الناس المتكرر عن سفرات وجولات لي قديمه. فكرت ليش ما اجمعها كلها في مكان واحد تسهل على الناس الوصول لها

والاسم؟! كون ساره اسم مركب, كون كلمة اسبانية تعني مع فمعنى الاسم مع ساره. اخترته لاني ابيكم تكونون معاي في جولاتي واشارككم اهتماماتي وحياتي.. واذا حولنا الاسم بالعربي كون ساره يعني كوني وعالمي وحياتي وانتو فعلا معاي بعالمي الخاص وبحياتي

من الأمور اللي خلتني اقدم على هالخطوه حبيت اوفر على الناس الوقت واحط الاسعار و بجذي يقدرون يختارون اللي يناسب ميزانيتهم، وسبب ثاني أساسي حبيت أوضح للناس ان كل ماركه فيها قطع رخيصه مو كل شيء غالي، ومو كل شي ماركه حلو وممكن الانسان يتجمل بأي ميزانية اهوا يمكلها أهم شي القناعة

اللي تابعوني بسناب وانستغرام تعرفوا علي وعلى فكري واتمنى للكل الاستفاده